點樣用 NAIL.com.hk

最後更新：2026年10月13日

NAIL.com.hk 幫你由「想做咩款」開始，搵到做得到嘅香港美甲師。客人同美甲師都係免費使用。

客人：4 步搵到美甲師

講低你想要：喺首頁寫一句，例如「想做短甲、粉紅色、旺角、400 蚊以下」，或者上載一張參考相。我哋會整理成款式、顏色、長度、地區同預算，你可以喺計劃頁逐樣加減。
揀參考款式：計劃頁會推介真實美甲師作品。撳「加入計劃」收起鍾意嘅款式，再揀一款「最想做」。搵唔到啱嘅，可以叫 AI 諗一個設計概念做參考。
邀請美甲師報價：喺「搵美甲師幫你做」，每位美甲師下面都有「邀請報價」掣，撳一下就送出。佢會睇到你嘅計劃同參考圖。可以邀請幾位，比較下。
揀報價、約時間：美甲師報價之後會電郵通知你。比較價錢、時間同留言，接受最啱嘅一個；美甲師確認時間之後就預約好。你亦可以直接撳 WhatsApp 同佢傾。

做完之後，今次美甲會記入「我的 NAIL」嘅美甲日記，下次可以一撳「再做一次」，亦可以設定補甲提醒。

想執平？　喺計劃頁開啟「臨時空檔通知」。有啱你款式同地區嘅美甲師臨時有空檔（可能有特價），我哋會通知你（每日最多一封）。特價只俾收到通知嘅客人睇，先到先得。

要唔要註冊？　揀款式同整計劃唔使註冊。邀請美甲師報價就要登入，因為我哋要用電郵通知你收到報價。註冊之後，之前喺呢部機整嘅計劃會自動保留。

收唔收錢？　客人用 NAIL.com.hk 係免費嘅。美甲費用由你同美甲師直接處理，我哋唔會代收錢或者自動幫你預約。

我上載嘅參考相會唔會公開？　唔會。參考相只會私人儲存，只有你同你邀請報價嘅美甲師睇到，你可以隨時連計劃一齊刪除。

報價係咪最終價錢？　報價由美甲師自己填寫，實際收費以美甲師當日確認為準。如果有加減（例如卸甲），可以先 WhatsApp 問清楚。

免費註冊：喺「美甲師加入」註冊，填公開名稱同主要地區，確認電郵。
上載作品：上載自己做嘅作品相，確認有權授權刊登。AI 會建議款式分類，你可以再改。建議加參考價，有價錢嘅作品先會出現喺客人嘅預算推介。
等審核同核實：NAIL.com.hk 會審核作品同核實你嘅身份（可能會 WhatsApp 你）。完成之後，你嘅頁面同作品就會公開。後台最頂會顯示仲差咩步驟。
接報價邀請：款式同地區啱嘅客人會邀請你報價，有邀請會電郵通知你，後台最頂亦會提示。你填價錢同可以預約嘅時間；客人接受之後，你確認時間就完成。

臨時有空檔？　喺後台「臨時空檔」發布時段，可以寫特價或者揀「私訊傾價」。我哋只會通知開咗通知、款式同地區啱你嘅客人，特價唔會喺你公開頁面出現。客人撳「我要呢個時段」之後，你喺「預約」確認準確時間就得。

收唔收費？　唔使月費，唔抽佣。

點樣多啲客人搵到我？　上載多啲唔同款式嘅作品、填參考價、加服務價錢，同埋開住「接收報價邀請」。後台「客人最近想要咩款」會顯示真實嘅熱門款式。

可唔可以暫停接單？　可以，喺個人檔案關閉「接收報價邀請」就得；客人仍然可以 WhatsApp 你。

有問題可以聯絡我們。